Si
vide all'animale, ca stanno 'ncopp' 'a terra, ti pienze sempe
a mmale, tu vide sempe a guerra!
'O
cane, cu nu strillo, vò muzzicà o muscillo, c'afferra
o suricillo, pure 'a dint' o mastrillo! Che battaglia, neh!
'A
vorpa po' ca è ffina, aunita cu 'a faina, s'arrobba a
na gallina, l'azzanna e s' 'a trascina! Marame'! Siente, sie'!
Quant'arruobe, neh!
'O
lupo, preputente, comme si fosse niente, sa mette sott' 'e diente,
na pecora 'nnucente! Marame'! Siente se'! Chella more, mbe'!
Largo
e tunno, chisto è o munno, pure l'uommene, se sa, s'hanna
massacra'!
Che
l'afferra, ca na guerra, ogne tanto s'ha dda fa'? Forse pe'
sfulla'?!
So'
'e putiente, malamente, ca cchiù 'a vorza hann'a 'ngrassa',
senz'ave' pietà!
'O
prugresso? More 'o fesso! Ih che bella civiltà! Che mudernità!
Neh,
ma overo simmo fatte puorche crape pulcine ca ce accidono pe'
niente, ca ce levano 'e stentine? Nun servimmo p' 'e ccustate,
p' 'e ssaciccie, p' 'o ppresutto! Nun cacciammo brodo e llatte,
pe' nun dicere uno 'e tutto! Cca nuie simmo crestiane, e tenimmo
'o ccore 'mpietto! E c'è cara 'a vita nosta, perciò
merita rispetto! E vedimmo pe' stu fatto, 'e campa' cu 'a legge
e' Ddio! Nnanze a Dio nuie simmo uguale: nun ce stanno "tu"
e "io"! Ma però 'e Cummandamente se rispettano?
Nun sempe! E se sape.. 'O munno è tristo! Chisti ccà
sò brutti tiempe! E ma allora, 'O munno è tristo
e nisciuno 'o po' cagna? Mo nce vo', 'e Cumandamente nun se
ponno rispetta'? Una è 'a guerra ca ce spetta; e purtroppo
l'amma fa': chella ll'à ca tutt' 'e juorne se cumbatte
pe' campa'! |